ئوباما ۋە ئۇنىڭ رەپىقىسى بۇش ۋە ئۇنىڭ رەپىقىسى بىلەن كۆرۈشتى
شۇ جاي ۋاقتى 10– نويابىر چۈشتىن كېيىن ، ئامېرىكىنىڭ يېڭى بىر نۆۋەتلىك زۇڭتۇڭلۇقىغا سايلانغان ئوباما ئاق سارايغا كېلىپ ، ھازىر ۋەزىپە ئۆتەۋاتقان زۇڭتۇڭ بۇش بىلەن كۆرۈشتى . زۇڭتۇڭ بۇش ۋە ئۇنىڭ رەپىقىسى ئاق سارايدا ئوباما ۋە ئۇنىڭ رەپىقىسى مېچىل ئوبامانىڭ ئاق سارايغا زىيارەتكە كەلگەنلىكىنى قىزغىن قارشى ئالىدىغانلىقىنى بىلدۈردى . بۇش ئوباما بىلەن ئېللېپسسىمان شەكىلدىكى ئىشخانىسىدا مەخپىي سۆھبەت ئېلىپ باردى . ئامېرىكىنىڭ بىرىنچى خانىمى لاۋرى ئامېرىكىنىڭ كەلگۈسىدىكى بىرىنچى خانىمىنى ئاق ساراينىڭ ھەممە جايلىرىغا ئاپىرىپ ، ئاق ساراينى ئېكىسكۇرسىيە قىلدۇردى .
بۇ ئۆتكەن ھەپتە ئوباما زۇڭتۇڭ سايلىمىدا غەلبە قىلغاندىن كېيىن ، تۇنجى قېتىم بۇش بىلەن كۆرۈشكەندە تارتىلغان سۈرىتى
بۇش گەرچە ئامېرىكا زۇڭتۇڭ سايلىمىدا دېموكراتلار پارتىيسىدىن بولغان ئوباما تەرىپىدىن جۇڭھۇرىيەتچىلەر پارتىيىسىنىڭ زۇڭتۇڭ نامزاتىغا زەربە بېرىدىغان سەلبىي دەستەك بولۇپ قالغان بولسىمۇ ، بىراق بۇش ئەر –ئايال يەنىلا ئوباما ئەر – ئايالنى ياخشى كۈتۈۋالغان .
بۇ تارىخى خاراكتېرلىك سۆھبەت ئىنتايىن مۇھىم . گەرچە ئۇلاردا پارتىيە ۋە سىياسىي قاراش جەھەتتە مەلۇم پەرق بار بولسىمۇ ، بىراق ئۇلار ئىراق ئۇرۇشى ، دۆلەت بىخەتەرلىكى ۋە نۆۋەتتىكى پۇل – مۇئامىلە كىرزىسىگە قانداق تاقابىل تۇرۇش قاتارلىق مۇھىم مەسىلىلەر ئۈستىدە كەڭ دائىرىلىك پىكىر ئالماشتۇرىدۇ .
بۇش ئىمكانقەدەر ماسلىشىپ ، ھوقۇقنى ئۆتكۈزۈپ بېرىش ۋە تاپشۇرۇۋېلىش ئىشلىرىنىڭ ئوڭۇشلۇق بولۇشىغا كاپالەتلىك قىلىدىغانلىقىنى بىلدۈرگەن .
( مۇھەررىر :
ئامانگۈل )
