ئىختىيارىي مۇخبىرىمىز ئېلىجان ئىسمائىل خەۋىرى ۋە فوتوسى : كېرىيە ناھىيە بازىرىدىكى مەرىپەت بۆشۈكى —ناھىيلىك 2-باشلانغۇچ مەكتەپ تۈرلۈك قىيىنچىلىقلار سەۋەبىدىن ئۇقۇغۇچىلارغا ئۇچۇر تېخنىكا دەرسىنى ئۇرۇنلاشتۇرالمىغانىدى. يېقىندا ، شىنجاڭ شىڭخې گۇرۇھى يولۇچى تۇشۇش ترانسىپورت شىركىتىنىڭ دىرېكتورى ئۇبۇل ھاشىم بۇ ئەھۋالىنى ئۇققاندىن كېيىن كۆڭلى ناھايىتى بىئارام بولدى . ئۇ بىر قېتىملىق شىركەت ئىشلىرى يىغىنىدا ‹‹بالىلار چوقۇم ئۇچۇر تېخنىكىسىنى ئۆگىنىشى كېرەك ›› دېدى ھەمدە شىركەت مالىيىسىدىن 130مىڭ يۈەن چىقىم قىلىپ ، 30كومپىيوتېر ۋە كېتەرلىك ئۈستەل–ئورۇندۇق سېتىۋېلىپ ، كېرىيە ناھىيىلىك 2–باشلانغۇچ مەكتەپكە يەتكۈزۈپ بېرىشنى قارار قىلدى.

    11-ئاينىڭ 12-كۈنى كېرىيە ناھىيىلىك 2-باشلانغۇچ مەكتەپ ئۈچۈن ئۇنتۇلغۇسىز بىر كۈن بولدى. نەچچە يىل توپا بېسىپ تۇرغان ئۇچۇر تېخنىكا دەرسىخانىسىغا تىزىلغان 30يۈرۈش سۇيۇق كىرىستال ئېكرانلىق ‹‹لىيەنشىياڭ››ماركىلىق كۆمپىيوتېر ھەممەيلەننى ھاياجانغا سالدى. تۇنجى قېتىم ئۈچۈر تېخنىكا دەرسىنى بۇ سىنىپتا ئاڭلىغان 3-يىللىق 1-سىنىپ ئۇقۇغۇچىسى سەدىردىن ھاياجانلانغان ھالدا مۇخبىرغا مۇنداق دىدى:‹‹مەن تېلېۋىزوردىن ( كومپىيوتېر بىلمىگەنلەر 21-ئەسىردىكى ساۋاتسىزلار) دېگەن سۆزنى ئاڭلاپ ، كومپىيوتېرنى ئۆگىنىشنى بەك ئارزۇ قىلغانىدىم. بۈگۈن ھاياتىمدا تۇنجى قېتىم كومپىيوتېر ئالدىدا مائۇسنى ھەركەتلەندۈرۈپ چەكسىز خۇشال بولدۇم››.

    زىيارىتىمنى تۈگىتىپ يېنىمغا قارىسام سەدىردىننىڭ يۈرەك سۈزىدىن مۇئەللىملەر ۋە ئاتا-ئانىلارنىڭ كۆزى لىق ياشقا تولغانلىقىنى كۆردۈم.

سۈرەتتە:خۇشاللىققا چۆمگەن سەدىردىن ۋە ئۇنىڭ ساۋاقداشلىرى

( مۇھەررىر : قەيسەر )